متى ينجرح سلك الغرام وتجي يمي =ويغفو على صدرك هدب عين مجنونه
متى ينجلي همك وتمسك طرف كمي =وتنزع سموم الوقت من كبد مغبونه
تصدق انا من كثر احبك نشف دمي =وحبي لك اصبح جمرةٍ فوق غليونه
اودك نعم واهواك ايضا وما همي =من اللي يحاسب روح بك حيل مفتونه
لوانك سراب ما تضجرت من وهمي =لكنك حقيقه في جسد روح مدفونه
تراني دخيله قول يا مرحبا سمي =ابي اسكنك ياغيمة هلت امزونه
واذا بعثرك شوق الغلا جيتك المي =وحبر القلم يكتبك في صدر مزيونه
حياتي لها مقياس من يدك ياعمي =ومدعوجة العينين تهدي لك عيونه
غرامي تحسسته يداعب طرف فمي =يذّوب فؤاد اللي قفص صدر مطعونه
حبيبي حضنته في عيوني وهو ضمي =صرخ من لهيب الشوق واحشاه ينعونه[
الموقع