سقوط بغداد (1258)






















المغول بيقتحموا بغداد 1258


فى سنة 1258 سقطت بغداد فى ايد المغول و دمروها و أبادوا سكانها و قبضوا على الخليفه العباسى المستعصم بالله و رجالته و ركلوه بالرجلين حتى الموت.

بدأت حكاية سقوط بغداد فى ايد المغول بتولى هولاكو بن تولوى الحكم فى إلخانية فارس. الخان الأكبر مونجوقاخان طلب منه سنة 1256 انه يكمل المشوار اللى بدأه جده جنكيز خان ^[1].

بعد هولاكو مادمر قلعة ألموت بتاعة الحشاشين
( الإسماعيليين )، بعت جواب لخليفة بغداد المستعصم بالله يهدده و يتوعده
إنه على الرغم من إنه أظهر طاعته و خضوعه لكن ما ساعدهوش في أخد قلعة ألموت
و قاله " إنت أظهرت الطاعه بس ما بعتش عساكر " ، و أمره بإنه يهدم الحصون و
الخنادق في بغداد و يروح يقابله، وقاله : " لما اقود الجيش لبغداد، مندفع
بسورة الغضب، فإنك لو كنت مختفي في السما .. حا أنزلك من الفلك الدوار و
حاأرميك من عليائك لتحت زي الأسد. و مش حاخلي حي في مملكتك. وحاخلي مدينتك و
إقليمك و أراضيك طعمه للنار ". فرد عليه الخليفه بهدايا و تحف و جواب
ينافقه و يقول له فيه انه : " مع الخاقان و هولاكوخان قلب واحد ولسان واحد
".