اهلا بكم اخواني اخواتي

كل واحد فينا كتوقع لو شي طرفة,شي تمررمضينا,شي "تحفة" في هاد الشهر المبارك

كنت على وشك نصوم يومين متتابعين,تقول صمت تقريبا نهار انص

لي عندو "كلكلاتريس"هدي مشي سميا ديال المكلة,بغيت نقول الحاسبة

بالعربية المقادة,العملية الحسابية جاية,هدوء من فضلكم,أتابعوني,دقة تابع دقة

أشكون احل الباب,ها انت دخلتي مع الغيوان. لي فيه الحال اتابع معي

جزاكم الله الف خير




في يوم من ايمات الله,فمثل هاد الشهر الكريم

كان الوليد رحمة الله عليه,كيمارس تجارة "الخضار",فكل سوق اسبوعي

كنمشي نساعدو في البيع اشرا,طبعا في العطل المدرسية

فهداك اليوم الرمضاني,كلكم كتعرفو اجواء رمضان,السهير,مع الاصدقاء. والتلفزيون

هو اخر السهرة,كنعديوبه بالبرامج الزينة ديالو

المهم في هديك الليلة سهرت,تا لسحور,أنعست تا الستة6 ديال الصباح

جوج 2 ديال السوايع ديال النعاس لا اكثر ولا اقل

فيقتني الوليدة مبوقل,ما عندي كانة نمشي لا السوق,ولا "البرصة" زعما انت رجل اعمال

نوض تمشي للسوق,للاعمال الشاقة "بزنس مان" كاليك

بعنا أشرينا واتنرفزنا شي شوي مع الناس عادي

على اي حال داز هداك النهار باش ما عطا الله,دور معايا الوليد,باش ما قسم الله

قرب العصر دخلت للدار غسلت ,حيدت العيا ديال السوق,طاحت ليا فكرة

نمشي للدارديال خالي بما انها خاوية امفرشة,كيسكنها غير في العطلة

هزيت السوارت,بلا ما يحس بيا تا واحد,بلا منخبر حد"خرج ولم يعد"

دخلت للدارتلاحت فق اول سداري بان لي,خوكم فيه "كريدي" ديال البنك الدولي

نتاع النعاس.خوكم مات مشي ناعس

"الادان ودن,ملين الدار فرقو الصيام,الوليد رجع من الجامع,فين "ادريس

مزال مدخلش؟.كملو الفطور,انا مزال مدخلتش

كل الواحد واش كيقول,شي كيقول مشا عند عمتو افطر,الا مشا عند شي صاحبو

مشي من عادتي منخبرش فين مشيت

الجوقة تفرقت,الاخوان خرجو,الوليد مشا اصلي التراويح,تعطل شوي برا

تا شي11عاد دخل

مزال ما بان ما بان هداك الدري

الوالدة: فين اكون مشا زعما

الواليد عندي شوي دكي,فتش البلاكار "الدولاب" فين معلقين السوارت ديال الدار

,ولدك اللا امكن ضاربها بنعسا,فدار خالو,مطور,شاطر

عطا السوارت للاخ الصغير.الدار مشي بعيدا بزاف شي200 مترو على دارنا


GGGGGدد

ضرباتني الفيقة احمار الليل في نفس الوقت

معرفتش راسي فين انا,البيت ضلامت,تخلط ليا الليل مع الصباح

معرفتش لقرص ديال الضو فين




,اقسم لكم بالله الى نسيت واش حنا ف رمضان الا في رجب

شكون,شكون

انا خوك عزيز,افيق راه قريب نتسحرو

بديت كنوعا

بيني وبين نفسي ,علاه انا فطرت بعدا؟؟

دخلت لدارنا,لقيت ملين الدار مخلوعين.شوي شدوها علي قشابة اضحك

انا مديتهاش فيهم,القس اولا,والكلام اخيرا

!!ارا لنا الولدا الى كاين ما يتقسا

{الحمد لله الحريرة بقا منها شويا{اموت على الحريرة

الساعة راها12 ديال الليل

الوالدة عمرت ليا الطابلة:ها اتمر ها شباكية ها زميطة,ها لمسمن

عاد ازيد عليه طاجين ديال لعشا

بوحدي,الي بغا يكل اتفضل,في الحقيقة ملي كتعمر

الطاولة بزاف كطير الشاهية

درت لراسي Buffet مفتوح كول اتخير

الناس كتجمع الصلوات,في ظروف السفر او سوء الاحوال الجوية

" انا جمعت الفطور العشا اسحو لاول واخرمرة في التاريخ" امكن تعاود بحال والو

*******

اهنا كتنتهي الحدوثة

نتمنى منكونش طولت عليكم

والى حدوثة اخرى

نسيت,حسبتو مشحال صمت؟

تقبل الله صيامكم,وصالح اعمالكم