بلادي بلاد الخوف والرجفة آلخوت****بلادي قوات فيهاكثرة القتيلة والموت
بلادي ساد فيها المريض والمكبوت****بلادي بالعفن والغبن فات فيها الفوت
بلادي الناطق بالحق فيها مزموت **** الحسراف فيها ميقواش على السكوت
الزعيم فشبانها فلبحر كلاه الحوت**** القاري معطل والمجاز كلاه البرغوث
شي معتصم وشي شادغي القنوت****وشي تعقد شي جيبوخاوي ومنكوث
الغلا والفقر والجوع دارخبلة فينا**** بوليس ومقدم وقايد ومقاطعة المرينة
الأمن والتطبيب للكل هواللي بغينا****وشي خديما مابيهاش نفرحوا والدينا
مابغينا تشمكيرلا شفارة لا روينة ****لاإرهاب لا حباسات ولامن يعصينا
حنا ناس ملاح ما فكروشنا عجينة****الله يهديكوم ياالمسؤولين فكروا فينا
شبابنابطالة أوضاعهوم تعز علينا****شحال يتمناوفشي يوم تتحرك السفينة
اللحم كان إذاخنازيهزوه مواليه****مايعيفو حد ولا شي حد يضحك عليه
عارعليكوم المواطن تسمحوافيه****لا من يتفقد احوالو ولاوجدمن يرضيه
العيب في ريوس لكبارماشي فيه****هو مقهورباراكاخلاص اللي فيه يكفيه
ما تغماضلوعين ولا نعاس يجيه****ولا عادت البسمة ولا الضحك يواسيه
حتى عطاشو مالقى باش يرويه****رحموه ياقلوب الحجر وحنواعليا وعليه
الموقع