مشات الهيبة !!
فزمان فيه الدري خلا الوليدة وتبع الحبيبة !!
ولينا عايشين معيشة الغنم فالزريبة !!
هادي مسطاشة وهاداك عنيبة !!
مشات الهيبة!!
فزمان كثرات فيه النميمة والغيبة !!
فزمان ولا فيه الزنى حلال هو والريبة !!
الناس بعدات على الله ومن المعاصي ولا قريبة !!
وتصرفات البنات ولات عجيبة !!
البنت مقابلة البيسي ماتسيق ماطيب ماتشطب تشطيبة !!
مادير أتاي لا بنعناع لا بشيبة !!
من ولا سروال الدري طايح وشعرو داير ليه الترطيبة !!
حتى مابقيتي تفرق بينو وبين وهيبة !!
ينوض تال الطناش ويشد الحيط فالدريبة !!
كل نهار يدير موصيبة !!
مشات الهيبة !!
وكثرات السيبة !!
والدنيا ولات غريبة !!
المعيشة ولات صعيبة !!
الموقع