نحن في القرن 21
و مازلت بلادنا من دول العالم الثالث ، مازال خوك يلبس ليك سروالك مع الصباح ، أختك تلبس ليك تقاشرك ، مازال كاشوف البوليس دايزين كتحس بالخوف و ليس بالأمان ، مازال كتدخل للقهوة الناس كاع مغوبشة بحالا الى ماتو ليهم واليديهم ، مازال كتمشي للتيران مع الواليد و كتسمع كلمات محترمة جدا ، مازال ملي تصب الشتا يدوز واحد بقزديرتو يرشك ،، مازال المعارف كيقضيو ليك المصالح الإدارية و لي ما عندوش يموت ، مازال الشعب كيتقاتل على ود الريال و البرصا ، مازال البنات كيحرڭو الطياب على ود فايسبوك ، مازال الناس دايرة الفايسبوك مهنة ،، مازال كتكمل قرايتك باش تشد الحيط ف الدرب .
مازالت المصطلحات التي نسمعها كل يوم هي هي : المنتخب مات ، آرا ڭارو ، شي سطر ولا كالة ، ، تمشي معايا للبرتوش ؟ ، سلفني أير ماكس ديالك ، ، راسي ضارني ، دق دق دق شكون ؟ قريب . ، موسطاشة ، بلحاس ، راطراباج ، كاين شي عشا ، سكت ما تنڭش ، زيد مارشأريار ، أنسة شدي علينا ولدك ( الأمهات العازبات ) ، مشات الكونيكسيون ،سلفني نشارجي الموديم . تقطع الضوء . طفا البيسي بوحدو ، ڭارسون دير لينا الجزيرة +2 عافاك ،يالاه نقصرو ف البلاي لي ف راس الدرب ، مع ياش البارصا ، خوك الصغير كيبول ف الفراش ، خويا ما ديرش عليا هبل تربح ، شريتو الحولي ؟ ، إيمان شدات الباك ، ، ياسمين خطبوها ،رجاء حصلها خوها مع سيمو , جميلة كيطيح ليها شعرها ، مازااال و مازااااااااال عايشين....

الله يصوب لينا وليكم ههههه