امس بالطيف يمكن شفتك انته
خذت روحي امنديه ورحت سكته
مثل ريشه بجنح عصفور علا وطار
بيهه ابتوت كلبي بالك اتعته
عفت بيه جرح ماصدكت من طاب
هسه اعلى الجرح رديت غمجته
ياشجرة مصايب كل ثمارك ضيم
طعم مر ابلهاتي من رحت عفته
شفتك بالحلم جن شفت ملج الموت
عبر طيفك عليه وريت ماشفته
لان انته حجر مبني ابهرم فرعون
أثارك عليه وجسمي حنطته
كافي اتريد ترجع تستحل الروح
وكلبي منحتلالك توني حررته
رحت وخلفت بيه السهم مكسور
كل المشه ابدربك هيجي عاقبته
ورقه وبيد كاتب تنملي بلحضات
ونته بلحضه وحده العمر كملته
مليته اجروح كله امنلجدم للراس
وجيت ابلاضمير اتعيد سالفته
بس كلمه ارد اكلك ما اردلك دوم
لوحنضل افراكك روحي جارعته