ابسم الله ايعدل ايغسرسن بد يغي

نضالب ايربي سلعفو إيزضاراسني

أورد إسرا تنضامغ أولا أر نسهيطيري

اغايد اتعا ودغ ايساغ نيت جراني

اكيغ زود يان اوتبير إيكسان غيكي لعيوني

إيتابعاتن يان اوصياد إلا ياسن كيس أوسافاري

يوتانغ سلقرطاس أوراك فلاس نعولي

أوول اغانغ اساسوا ضربتي

اح أضربت ندو راد أور لا نت اسافاري

يان موتعاوادغ اطان اينو نان ايسكا تخلامي

اتيزي نتايري تزريمت ولا افود ايفلكني

ايغ نجمعا ديخفينو نيغ مايكا غايداسكرغي

اتيزي نلحيج دلويرذ ادلكمغ ارغكن سول اللعابي

يوف يان كنيوتن سلقرطاس يان أيك ايننان اويناغي

نكين أسافر إينو لان غيان اوجيكي

إمنعا فلاتنغ أورد إسا كوكني

إلان غيان أورثي ياتوين اورتن حكامغي

إلان يان لقفل نورغ اوردارنغ تساروتنسي

أوينو راكين أوكان داغ أوصوغي

إيغ ايكا يان أجيك إلين غوسغار أدور حدان أغاراسي

أتن اوريكس كار يان نغكا فلاسن لوحن أفوسي

ايغ ايمون واييس دوى أسيف فلن أغاراسي

مقار لان تساليوين نورغ إقاند اثنت ايلوح نغاك رزاني

ادانغ اوكان إسامح ربي غما دالهيغي

أمادريغ ادسلعابغ أييس اوريكان ويناغي

أ ماساسن غزانغ إسا تن كا تعدا بغي

أسي السيعر أوكان فور كبنك غين غتلعابمي

إيغاك ايرزم ايلجام اترسوت أدور تيليت ازربي

أولا إيغاك إيناقص العلف أتاك أورتلامتي

نكين منشك واييس ادزريغ غيلاد ايس كجلاني

سكفن تاكوست فلندي تاريكت ولا اركابنسن ايكلين أر ايتوهامي

ايهايا الدونيت ماسول كيتونت ايرجا ياني

يان موتنيت غساد قند تاكرورتنك ادورفاغنت اولينوني

اينايك ضوفات غير تينون إساغ كتحسادمي

أرجا فلله أيافكان تيويت غير شالا ستسوكتي

أورد إساكن تعيبغ اوينو إساك أوكان تنصاحغي

أولله أرداك نهدو لقلبنغ ايغاك كيسن أسافاري