بدأت
الجالية المغربية المقيمة بالخارج الإستعداد للدخول لأرض الوطن، وبدأت
الأستعدادات للعياقة على ولاد الشعب على قدمٍ وساق، باغين يبانو زعما فشكل،
لابش كالصو ومعري صدرو ومخرج يدو من السرجم ديال الطوموبيل اه اه اه نتا
هو فلاديمير بوتين، تلقا بنادم دابا بدا يوجد انا غانزل فشهر ستة نبقا نهضر
عي بالفرنسية ومانعطيش وقت لولاد الحومة نعطيها للبحر والبنات والزهو
والنشاط، تلقاه ماكلاش عام كامل وماشبعش فكرشو، باش فالصيف يكري سيارة
وينزل يعيق على ولاد بلادو ويقولو عليه الناس شوف فلان ولد فلان بان عليه
الخارج شوف فاش راه راكب، ينزل يضحك على هادي ويغوي هاديك بالخارج يضيع
ليها الشرف ديالها، صافي يرجع لبلاد المهجر ينساها، وتخرج هي للدعارة ولا
تقتل راسها، ينزل يعطي نظرة غالطة عن اوروبا (حاليا)، شحال من شاب ولد
حومتك شافك جايب حديدة وشوية فلوس ناض جمع شي بركة وجا حارگ كلااااه البحر،
تنزل تتكبر على ابناء جلدتك انا وانا وانا ونتا عايش فالذل ولهيخ درني
الگرون، لنغير سلوكنا ونتواضعة شويا مع العباد راه كلشي غادي وكاشي فاني،
باركة من العياقة !!
حتا انا عايش خارج المغرب، وهذه هي الحقيقة بلا مايبقا فيكم الحال تحياتي
الموقع
