ماعاد أبي حبك ( أبد ) لا تجيني
========مادام صار الحـب كلـه مذلـه
أول غرامك شايله وسـط عينـي
========واليوم ذاك الحب ماأبيـه كلـه
لا وآحسايف مامضى من سنيني
=======درب الهوى ماعاد عيني تدلـه
ياما من الاشواق بحـت بكنينـي
========وأخذت قلبي يوم كـان بمحلـه
ياما سهرت ولوعتـي تحتوينـي
========على رجا قلـبٍ يسّميـك خلـه
خاب الآمل ماعاد ينفـع حنينـي
======ولا عاد نزف القلب صدرى يتله
لو السنيـن الماضيـة مهتنينـي
=======طبع الزمن لابد سيفـه يسلـه
كانت ورود العشق بينك وبينـي
======وأصدق شعور الحب أزريت أدله
دامي تركت الجرح بأقصى كنيني
=======وكفنّت بالحرمان حـب المذلـه
مادام أشوفـك للمواجـع تبينـي
======حتى لقيت الحب طاريـة أملـه
أدعي ألة الكون بدمـوع عينـي
=====ودموع عينى فوق خدى تهلـه
ألطف بنا .. ياخالقي .. يامعينى
======أسجد لوجهه بالدعا وأبتهل له
ماعاد أبي عهد الهوى ولا تجيني
======بين الشموخ وصداه بوجةٍ يدله
الموقع
