نكتة عالاااام
قالك واحد الولد مشى يدوز امتحان الباكالوريا و ما عرافش يجاوب، جا هو طلب من واحد البنت حداه تعطيه الجواب، لكن للأسف ما زدقاتش حيت ما بغاتش تخليه ينقل، جمع صديقنا الورقة ديالو و ردها خاوية ن الأستاذ، و هو خارج م القسم التفت إلى تلك الفتاة و قالها: نتلقاو حدا البرلمان !!! كلشي ضحك و حتا واحد ما فهام علاش قالها دك الكلام..... المهم دازت الأيام و دك البنت نجحت تبارك الله ف الباكالوريا و التحقت بالكلية و قرات مزيان حتى قبطت الماستير و الدكتوراه.... لكن للأسف ما لقاتش خدمة و اضطرت أنها تهبط ن الرباط باش تشارك ف تظاهرات و احتجاجات المعطلين..... واحد النهار، شاركت ف تظاهرة حدا البرلمان و هو المخزن يهجم على المعطلين، شدها واحد العنصر م القوات المساعدة وو هلكها عصى مزيااااااااااااااان حتى طاحت كاو ف الأرض مسكينة....... حنا عندها داك القوات المساعدة و قالها: عقلتي عليا؟؟؟ قالتلو البنت: لا، جا هو قالها: أنا هو داك الولد لي طلبلك تنقيلة ف الباك شحال هادي و ما بغيتيش تعطيه ينقل، داك العام سقطت و دوزت كونكور القوات المساعدة غير ب "نيفو باك" و جاب الله التيسير !!!! دابا تلاقينا و لا ما تلاقيناش ف البرلمان؟؟؟ إوا هاك باش مرة أخرى تعاودي ما تعطيش ل الناس ينقلو، و نزل عليها بالهرماكة حتى شبع منها ضرب هههههههههههههههههه المغزى من القصة: الدراري و البنات لي غادي يدوزو الباك هاد الأيام، لي طلب منكوم تنقيلة عطيواه لي بغا، عاندك تلاقاو بيه ف المستقبل ف باب البرلمان و ما يعجبكومش الحال :