قانون الدوش :
- بعدما تدخل تحت الما ، التيليفون كايبدآ يصوني و ماكايبغيش يسكت!
- قانون الالكترونيات :
ايلا ديتي تيليفونك الخاسر عند صاحبنا اللي كايصاغبهم ، عاد كايخدم التيليفون وكاتصدق نتا ماكاتفهمش و كذاب !...
- قانون المصادفات :
ايلا كنتي مع شي حد ، وماباغيش اللي كاتعرفهم يشوفوك
كايبداو يخرجو صحابك كاملين من حيث لا تدري !
- قانون المفاتيح :
ايلا كانو عندك بزاف د السوارت ، وباغي تحل الباب ، اخر ساروت كاتجربو هو اللي كايحل الباب !
- قانون إشارات المرور :
ايلا كنتي مزروب ، السطوب اللي وصلتيلو ، كايشعل فيه الضو الحمر !
- قانون البحث :
ايلا بغيتي تقلب علا شي حاجة ، ماكاتلقاهاش فـ الدار كامله ، مع انها كانت محطوطه حدا كمارتك !
قانون الأكل فـ الزنقة :
ايلا خديتي ساندويتش واحد ، ماكاتشبعش وكاتبغي تزيد التاني ، وايلا خديتي جوج ، كاتشبع من الأول ، وغالبا ماكاتقدرش حتا تكملو
الموقع