نكت صداع الراس
واحد النهار جلست في الطوبيس حدا واحد الراجل كبير في السن ..
و هو يسولني : واش نتا مزوج .. ؟
قلت ليه : لا الحاج .. !
قال ليا : مزيان وشنو هي المواصفات اللي تبغيها تكون في مراتك .. ؟
يالاه غادي نجاوبو .. وهو يقاطعني وقال : بغيتيها تكون زوينة ياك .. !
قلت ليه : إيوا ضروري يكون عندها حقها من الزين الحاج .
قال ليا : ايوا لنفرض شي نهار وهي كطيب ليك الشهيوة اللي كتبغيها
نفاجرت ليها البوطة في وجها وتشوهات .. شنو غادي دير .. ؟
غادي طلقها ياك .. ايوا والناس ملي يسولوك علاش طلقتيها .. غادي تقول ليهم كانت زوينة وولات خايبة .. ؟
الصراحة هذ السيد قنعني بالهدرة ديالو .. وحسيت بذنب كبير حيت كنت كنفكر بديك الطريقة .. لذلك أنا قررت باش ماندخلش نهائياً البوطة لداري .. وغادي نبقاو نطيبو على الفاخر .. هههه
الموقع