ولكن حتى وحدة ماتبغيك بحال الواليدة !!
هادي حاجة باينة من زمان ماشي جديدة !!
سول لي ماعندوش مُّو ولا عليه راها بعيدة !!
حياتو مرة بحال القهوة بلا سنيدة !!
ديما مريض والأحزان ديالو شديدة !!
ترجع ليه الأم ديالو هي أمنيتو الوحيدة !!
تبكي واخا يكون قلبك قاسح كي الحديدة !!
علامن تحط الرَّاس وتضربها بتوسيدة !!
من تكون فرحان تكون هي فرحانة وسعيدة !!
ومن تكون مريض مسكينة تحس بالكبيدة !!
تمرض حتى هي وتنهد شحال من تنهيدة !!