عـش لحمـــام
سرقت الشوفـَة ف الظلام
وغطيت الكلمَة بظلهـا
حرت بين السكتـَة ولكلام
واش من دفا ندقها
جاني اجْواب ف لمنام
حمامَة ناعسَة ف عشها
ف مسرابها شـلا يـَـام
وانـا باغي نغلهـا
نـَشيتها بقطيب لكـلام
جَنّـْحَت ونفضَت ريشهـا
شعّـَلت الضو ف الظلام
وسولت على هدير ديْها
ﯕالوا لي من ﯕنس لحمام
وماشي ساهل تشدها
صبَغت جناحي بليدام
وﯕلت لخاطري طيعها
غيَرت المشيَة بالنظام
و زدت ف القتـّـَة عودها
بنيت وعليت لمقام
وشحال من سبّـَة درتها
شمّرت وطويت لكمام
واللي ما عندي عرتها
فرفرَت وطارت ف لغيام
وخلات يمارَة ف عشهـا
بالمعنى ﯕالت صوم عام
و نكون ف الدِّيـَة خديمها
شحال ﯕدني ما نكايد بجهدي ف سوق ليام
ويلا أنا صمت عام واش تكسيني بريشها
..
