تخمام فراقك
نمشي ونخمم حتى طاح الليل محيرني حبك بيا وين جالي
عييت مالتكماد راه الصبر قليل ضحيت هبيل مودر بالي
نسهى كِ نشوف خليلة وخليل نتفكر فالحين قاطع وصالي
نجبر دمعتي لا وحدها تسيل نسال العين ما ترد سوالي
قلت نصبر راه الصبر جميل جفاني الصبر و القلب عيالي
اليوم تخبل حالي ماليا حيل ماجاني صبار ما هدى بالي
غابو كل ضواو شمعة وقنديل بقيت بالضلمة كالسرج البالي
علاش تناسى بعد كان يميل هداني نترامى بالبر الخالي
القلب لي بغاه راه خلاه عليل حاير متشوق لشهلة لنجالي
يحبر فالملقى راه مالقى سبيل موانس الشمعة ساهر ليالي
يطيح عبرها كي دمعتي تسيل ريتك يا شمعة كنت غزالي
لو تكوني يحسدني الف خليل كيقك حنانة ماكاش الغالي
زينة حنينة و حبك زاد تهليل وقت ننظام لاغيرك يصغالي
تمنيت النجمة كيفك من قبيل نوانسها نحكي كل الي صرالي
وياحسرى لايطل النهار تحيل نرجع وحداني كسابق حالي
ماصبت غرام ينوب ذ الخليل طلبت سلاكي من الله العلي
قلبي بيها ستعصم شفت الويل نغيس بلماح نتخايلها قبالي
تتلاعب بذاك السالف الطويل تتبسم بالفرحة تلغى و تشالي
قلبي بعزو راه رجع ذليل شيبو الغرام و رجع بهالي
عيا يقاوم صاب الدرب طويل ما كمل معاه ما رجع ولالي
