السلام عليكم
بغيتكم تحلو معيا عقولكم شويا حيث جبت ليكم الجديد
اولا باغي نعرفكم براسي
سميتي سكينة
وكما تتعرفو ان الحزب تاع العدالة والتنمية هو لي ربح وانا كنت ضمن هاد الحزب
وانتوما تتعرفو ان عام لعام كيديرو برنامج موازين في الرباط
تخييلو دبا شاكيرا تتجي كل عام كتاخد 500 مليار غير باش تغني 5 دقايق
دبا مع فوز الحزب هل تظنون انه هاد 500 مليار غاتمشي هباء منثورا
لنفترض ان شاكيرا ماعرفتش بلي المغرب دار انتخابات وربح حزب العدالة
وجاءت كما العادة فرحانة ناشطة بغات تدوز العطلة تاعها في المغرب وتربح 500 مليار
وفي المطار تلقى معها واحد
وقال ليها فين غادة
وهي تقول ليه باغي نجي للمغرب ونشارك في المهرجان حيث انا عزيزة على المغاربة
ديك ساعات غايجي يقول ليها اللهم ان هدا منكر
ويقول ليها نتي بعدا جاية لابسة نص تاع الحوايج
فيناهو الحجاب يسحاب ليك جاية للسويد راكي جاية للمغرب ودوك البسلات مادريهومش معنا
شاكيرا مستغربة كيفاش زعما راني عام لعام كنجي للمغرب عادي كنغني 5 دقايق وكندي رزقي
وجاوبها رزقك لعنة الله عليك الى يوم الدين واش اسحاب ليك احنا ماكانعرفوش نغنيو ولا دمادم
ولا احنا شايطين عندنا فلوس جمعي راسك شويا
وانا دبا غاندير معك المزيان
الخيار لي عندك غانخليوك تغني في مهرجان موازين هاد السنة
لكن 5000 درهم اخر ثمن لا غلى على مسكين وخصك تحمدي
الله انه عاطينك هاد الثمن اما صراحة كون مشيتي لشي دولة اخرى ماتاخدي والو
وخصك تعرفي واحد الحاجة ملي تطلعي تغني لبسي الخمار
ماديريش لينا الفتنة بين الشعب وواياك واياك من الغزل
الا بغيتي تغني شي اغنية غني بعدا اغنية مغربية بحال مرسول الحب
ولا يا داك الانسان
ولا الاغاني تاع الحاجة الحمداوية الكاس حلو
شاكيرا ترد كيفاش زعما انا جاية نغني وناخد رزقي وديما تنعرف المغرب بلد الحريات
داك المغرب مابقاش مشا نساي نقول ليك واحد الحاجة راه غير صيفتنا نجاة اعتابو
اما را هيا عطينها غير 50 الف ريال قبلات
ونزيدك قبل ماتطلعي للخشبة تاع المسرح
واياك واياك وتغمزي لشي واحد
هادوك المرافقين تاعك كلهم يديرو الصلعة مايجيوش يديرو لينا دوك تحسينات تاع اليهود
بخصوص الاكل غاتكلو الخبز والحوت والحريرة
حيث راه عيقتي بزاف كل مرة كتجي كتاخدي 500 مليار
وزيدون خصك تعرفي ان المغرب راه ماشي بحال الانجليز وميريكان غير مشتتين الفلوس
راه احنا غير على قد الحال
وختاما قال ليها
دبا راه درنا معك المزيان اما راه نجاة اعتابو كانت غاتغني وقابلة غير حبسنها
المهم في الموضوع المقبل
فوز العدالة والتنمية وكاس افريقيا 2015
