لــــيش اليريدك ينظلـــــم للمـــــوت.. وليش عاليحبك تبقى اتجور
قـــسمت دولـــــة حبـــــي اقـــــاليم .. وحوطت اوراق الاشعار بسور
انا اقلامي ماتت وجفـــــت الاوراق .. وبساحة القصيدة ماتت اسطور
القمع عندك سهل وتكتل احســـــاس .. والساني بوصف حبك يضل محضور
ويجب مانغلط بحقك صدر هذا القرار .. واذا نغلط يكون القاضي معذور
يحكم حكم ظالم على الاحســــــــاس .. مابي ابد رجعة ولازم انحني مشكور
وسجنـــك انفرادي ومنعزل عالناس .. وكل لحظة تمر بغيابك علي بشهور
وتفــــــرج علي من بعد سجن سنين .. راح العمر وشيبات البراسي اتفور
اسمع مني اكلك يكفي اضل مظلوم .. اصدر بميدان العشك هاليوم منشور
قائد ظالم انت وماتصلح ويـــــــاي .. انا صدري وطن واحساسي شعب منثور
ماترحم رعيتك وتتفقد الاحــــــوال .. وحارمنة من كلشي والشعب محصور
لازم ضدك انهظ واسقط النظـــــام .. وتتعين حكومة وما اظل مكسور
ودخلت اقصـــــور حبك والبنايات .. ولكيت اشياء حلوة دافنتهه كبور
ولكيت اشعار ميتة ورقة واحساس .. وعصافير المحبة بالاقفاص اتدور
ما نادم ابد عالثورة ويـــــــــــــاك .. من حقة الشعب يطلع عليك يثور
وبعد هذا الكلام الراح ارجـــــوك .. من دون البيت الاخير القصيدة اتبور
ارجع للحكم ما اكدر بليــــــــــاك .. اقتل اسلب انهب صدكني
الموقع