[size=21](هبي نيو يير) اكلك وانت عني بعيد
إلآهي بهالسنة وتتحقق احلامك
جعل ربي السعادة ترافكَك كل حين
وبالحب والطرب تتكلل ايامك
هديتي انطيك عمري بالليلة الميلاد
حارس شخصي خلة ويحرس اعوامك
اعايد صورتك والغرفة بية ادور
وضاكت والنبي كَد شدة احزامك
هجرك قوس يطلق والظهر مرماه
وصعب حتة النفس من شهكَت اسهامك
مسجون بغيابك والجنح مشكول
واصعد للأفق من يدنة هندامك
انة بشفتي المواني وشفتك انت ابلام
وما تجري الرياح برغبة ابلامك
مثل عشرة يهودي ومسلم انة وياك
تعقلهة انت كافر يحضن اسلامك ؟
طمني اعلة جامك عفتة مامخدوش
بعدة اعلة العهد لو منكسر جامك ؟
سلاحي انت واديمك كل صباح وليل
حاجيني بغيابي هم بشر دامك ؟
هرم صار الكلب وبوسطة الك فرعون
ويرد كل المضى بس تكَرب اهرامك
لوَّن مسجون اصير وحكمي صار اعدام
وسألوني شتريد بساعة اعدامك ؟
اذا تصعب عليك الجية بالاعداام
اطلب اندفن من تربة اجدامك
خلص فلم اللعام وكلة جان احزان
وحاير هالسنة شتتضمن افلامك ؟
وحاير هالسنة شتتضمن افلامك ؟ [/size]
الموقع