يل تيهت بصدودك كل فرح دنياي
ومن دنيتي احزانك ليش باكتني
تظل دوم بجفه اتعاند اويــــــــاي
وطيوفك ابد ما يوم زارتنـــــــــــي
عمـــــــــن حب ما حسيته ويــاك
ولا نشوة حنينك لحظه مرتنـــــي
انا امناطر ليالي اعيون الاحبـــاب
وانت اعيونك لغيري وما مناطرتني
تكلي اعتب عليه وبيه حيل اتلوم
ما لومن شخص اعيوبه ذلتنـــــي
ولا اعتب عليك وتطراني الاحـــزان
مابيه العتب دنياي تعبتنــــــــــــي
اشوفك تمشي وي غيري واكولن صار
اعذار اطلع الك اعذاري تيهتنـــي
ما حبك بعد لو صرت انت الـــروح
ياروح الاحبهه بغدر ذبحتنـــــــــي
تريد انوب اجيلك واشكيلك اهموم
خلي اهموم بيه ومنك حيل كفتني
تعب فوك التعب ابحالي مدري اشصار
احزاني ما كفتك بالنار شــــمرتني
ما سامح ولا كولن حبيبي بيـــوم
ولتكول فلانه هاذي ابيوم حبتني
الموقع
