لبارحه برد.. وشتاها بييّ احوف..؟
والبرد موحش .. والمسا مقتفيني..؟
والليل وجه(ن) ماعرف رهبة الخوف
والخوف صوت(ن) .. همهماته ونيني
قلت اقفل الشباك ..واشعل لي حروف
وادفى على (سينين) وينك؟ وويني؟
جيتك يديني .. وصل والموعد كفوف
ورحت بغيابك .. بس بقيت يديني
لاتشكي ظروفك ..وانا كلي ظروف
كم هانت ظروفي .. ولاهنت فيني
خذني شتات اسنين .. كلّت به أكتوف...؟
وعطني بقايا قلب.. واعطيك عيني
لاتجيني بلبيه ..وتروح بحسوف
ما تشتهيني.. قول: ماتشتهيني..؟
وش فايدة الاحلام .. لاصارت طيوف
وش فايده قلب(ن) .. عجز يحتويني
ماتدري أن الآآآه .. فلت بي الاووف...؟
وما تدري انك للضياع تحديني
ياسيد احساسي ...ابي منك معروف..
وشلون بدفى لا تجمد حنيني..
تعال خل الوضع .. مكشوف مكشوف
واقرا حكااية .. ضجت بأ آآهتيني
( لو ارسم البسمه... على وجهه مكفوف
ما اقدر الون له بياض السنيني )
يعني :المشاعر جرح... وقلوبنا احتوف
والحب سيف(ن) .. طعنته من يديني
و الموت:ما هو طعنة... ارماح وسيوف
الموت: لو تقول ما انت بتبيني
اقول: (شفني بعدك احزاني اصفوف
يما تعال / او قول: لاترتجيني )
وبرتب جروحي على غيابك رفوف
وناظر مكانك وين .. والحين ويني
وب..أفتح الشباك.. وانثر لي حروف
واسمع بقايا حب .. بينيك .. و بيني
المشكله :ماهي حناياي والجوف...؟
ولاهي بحزني .. وابتسامة جبيني..؟
المشكله
من وين ما الد بالشوف
القاك في كل الأماكن تجيني..) 
الموقع
