الشاف sheriff وpeugeot 508
بين يوم وليله
كل شي تباع
تهرست لَمْكيلَه
واللبن ضاع
لَغْفتو لقْبيله
سرنا داع
ما لقينا حيله
مجلسنا باع
الشكوه ولبززيله
والشاف sheriff
شرا طوموبيلا !
**********
المدينه تبكي
فْ الهم عْليله
فين ما صديتي
تلقى مشكله
لا قشره
ولا سرديله
ها البطاله
ها الزببيله
والشاف sheriff
شرا طوموبيلا
Peugeot ww
508 !
**********
وبين 5و 8 زيرو
الله عْلى نميرو
وخونا sheriffسادْ عليه لبيرو
وحنا أش نديرو ؟
نغوتوكل صباح
وف كل عشيه
كدام البلديه
عْطيونا حقنا
من الميزانيه
لا قلبْ يروفْ
ولا معروفْ
ولاخدمه
ولا مصروفْ
ولاكَميله
والشاف sheriff
شرا طوموبيلا !
**********
والمدينه فْ الهم
بحال لكارويله
تضحك مزيان
ف كل يوم وليله
وتكول للعريان :
أش خصك أمولاي؟
خصني طوموبيلا !
ميراني الناجي
أسفي في : 17/08/2011