خديجة ابنة سطيف
عضو فعال
الدولة : 
الجنس : 
عدد المساهمات : 107
نقاط : 4869
تاريخ التسجيل : 25/12/2011
 | موضوع: بعض الابيات من الشعر الشعبي الجزائري  السبت 14 يناير - 9:23:35 | |
| شحال من سلطان كان في دنيا جيوش الامر وطيعات
مال وعز قصور وسرايا العسة عليه بالالوفات
غفل غفلة تقلبت الحية فليلتو مالقى وين يبات
وكلتي فلان عسل وفاكية وفلان شمختي لو الفتات
فلا قلعتي لو الذرية وحياتو من الفرحة خوات
فلان طلق مرتو المسكية زعف كي جابت لو البنات
------------------------
المسجون يرجى الحرية بالدقيقة يحسب لوقات
الشهار يحلم بالشهرية يا حليلو مولا وليدات
كبدة لميمة مشوية على واش سهرت واش ربات
على وليدها بدل الجنسية عجبو زين الروميات
خلى يماه وحدانية من الحرقة والبكا تعمات
باش يبين الرجولية بعث لها زوج محرمات
--------------------------
نها كانت الدنيا دنيا الوالدين علقوا لهم شيعات
اليوم الوالدين راهي مرمية في مراكز الشيخوخات
انتي دنيا يدك زهرية انا يدي فيه الكيات
مع الواقف درتي جمعية سماها دخلات وخرجات
القليل بعثتي لو خطية جا يصلي تلفت لو الصلاة
كي سلم انسى التحية وكي تحى نسا زوج ركعات
---------------------------
المال فاني والعظام راشية فاتت جناس وتمحات
اللي كان تاقي ودار النية طاع ربي وشد في الصلاة
درجته في الجنة عالية صفة الجنة درجات
والشاقي يمضي النهاية ذاتو بالنار تكسات
جلدة رايحة وجلدة جاية يظل يبدل في الجلدات
نصيحتي نتركها التالية باش نختم بيها لبيات
--------------------------
دعوة الوالدين رسمية منهم الشر والخيرات
الهنا كنز والصحة غالية والباقي كله كذوبات
ياسين ارسلها تحية وامنضى فيها بشي دمعات
بعثها كما مسعودي برية قراها قيتار وألات
والصلاة على نور عينيا سيد الخلق يا سدات
شكون اللي نجا منك يا دينا غير اللي طلقك بالثلاث
|
|
A.Lakdib
المدير العام
الدولة : 
الجنس : 
عدد المساهمات : 2398
نقاط : 10959
تاريخ التسجيل : 17/12/2010
| | موضوع: رد: بعض الابيات من الشعر الشعبي الجزائري السبت 14 يناير - 21:26:14 | |
| |
|
بنعيسى الحاجي
مشرف على قسم
الدولة :
الجنس :
عدد المساهمات : 315
نقاط : 5428
تاريخ التسجيل : 17/07/2011
| | موضوع: رد الإثنين 16 يناير - 20:43:29 | |
|
المبدعة خديجة بنت سطيف
نص ممتع بما تضمنه من صور زجلية
اختيار جميل ، دام لك حب الإبداع
تحيتي لك
|
|
