Med amin
مشرف سابق
الدولة : 
الجنس : 
عدد المساهمات : 1629
نقاط : 7761
تاريخ التسجيل : 27/09/2011
 | موضوع: قصيدة طريفة في رمضان واتصالات المغرب وأشياء أخرى  السبت 1 أكتوبر - 20:44:43 | |
| جا سيدنا رمضان وبدينا صيامو بالنية
قلنا ما فيها باس نشوفو التلفزة الوطنية
تسنينا أدان المغرب و زدنا عليه شوية
على الله وعسى ندو افادة و نديرو مزية
جات اتصالات المغرب كاتهضٌر الصَبية
دري فالكونا يبركم و سميتو يحيى
تبعاتها ميدتيل رجعات المائة خمسمائة
روشارج ديال لكذوب والشعب ضحية
تبعتهم انوي بخلق يشطح و يلوز عليا
داير طانكا فودنو ماهو دري ماهو درية
يغني ساعة سعيدة خلاها ليه باه وصية
قلت نفطر بعدا و نحيد الجوع عليا
جا اشهار دلع بعد ما هزيت الشباكية
جابت لينا دانون وحدة تشكي عليك وعليا
قالت ليك كرشها مزيرة وسرحتها باكتيفيا
كيفاش دابا تاكل و لاتبقى ليك شي شهية
حبسو شوية الاشهار بالكاميرا الخفية
و تبعاتها فالحين سلعة ديال ديليسيا
تعلم ولادنا البخ والتكبر و العنصرية
لالة الضحى جمعات كل مغني و مغنية
حسابني فاللول كي غنيو على قضية وطنية
الفنانا ديالنا ولاو بالكيلو دارو ملحمة فنية
يمجدو فيها الضحى على ديور الباكية
ويتك ويتك يا لالة ميمونة واشنو وجدتي ليا
و اللي شافك فالرجال يبغي يطلق لولية
فاندي بغات تقلدها جابت شطاحه عصرية
وهاك بابا هاك و شوف ليا الداودية
راكبا فوق الكارو وتغني سايقة الهدية
هذا راه سي بون والقضية في الساشية
سداري ميزيدور والناس عايشة النجومية
الاشهار كلو كولورادو و واليني صباغة هية
بعد خويا من هاذ البلا الله يعفو عليك وعليا
|
|
