واحد
راجل بغا يتزوج، ناض دّا وحدة متدينة مقابله غي الدين ...واحد نّهار دخل
لدّار جعان قالها: وا لمرا كاين شي غدا؟ حطاطلو البيض مسلوق .. قالها: و
لكوكوط علاش شريتها، باش دّيرينّا لمرقا... قالتلو: لا الكوكوط كطصفر و
التصفار في الاسلام حرام ...قال لها: ايوا نوضي سيري لداركم حتى يخرّجو شي
كوكوط كتوذن عاد اجي ..
..................................................
هدا
واحد سكران وصل لدّار، فبلاست ما يدق فلباب بقا تيدق فالبوطو ديال الضو...
أهو يقوليه واحد سكران كتار منو : غير زيد دق راهم مازال شاعلين الضو..
=================
هادو 2 جالسن تايشربو، وجا واحد الاخواني باللحية جلس حداهم.. وبانت لهم
صطافط دلبوليس جايا ...و هما إكولو للاخواني: سير بحالك لاتجي صطافيط
تجمعنا ...
----------------------------------------------
واحد محشش جالس قدام باب بيته ،
داز عليه واحد وسأله
إنت من أهل البيت ؟
قاله: لأ ..... أنا من كفار قريش.
-----------------------------------------------------
هدا واحد خيّنا قال لصاحبتو: يالاّه بسلامة à demain.... وهي تقول ليه: شرح ليا شنو هي
a demain ؟....قال ليها: حتى لغدا .... قالت ليه: لا شرحها ليا دابا..
------------------------------------------------
محشش
وقفو بوليسي وقال ليه : تامال الماتريكيل (رقم السيارة) مباينش؟ وهو يقول
ليه: متخممش أجمي راني حافظو پـ ا ركور (عن ظهر قلب)..
--------------------------------------------------------------
واحد
مشى تيسوّل على صاحبه من مدة ماشافو.... دقّ في باب الدار خرجت أمه ....
قالت ليه: صيفتناه أولدي يشري اللحم شهرين هذه مابان.. ..وقال ليها: وشنو
درتو؟... قالت ليه: الدجاج..
------------------------------------------------------------------------------------
عدول
جاءت عندو امراة وراجل باش يعقد عليهم.... قال ليها: شنو الإسم ديالك؟...
قالت ليه: جميلة ....مني شاف فيها لقاها قبيحة، وهو يلوح ليهم الوثائق وقال
للشهود : سيرو بحالكم راكم غادين تشهدوا الزور....
-----------------------------------------------------
سيارة
فيها كلشي بالكمبيوتر َتيْنَبه مولاها عند أي تجاوز..شعل كٌارو قاليه :
اطفي اطفي الكٌارو .. حط رجله على الدواسة،ا لكونتور(العداد) طلع ل 80 كلم/
س ، قاليه : انتبه انتبه انت بسرعة ثمانين كلم/س.. زاد وَرﱠك طلع للمائة..
زاد ورك طلع لمياتين وهو يقول ليه :ن اري ناري باغي تقتلني الحيوان ...
وقف وقف انت إلى عاجبك راسك، أنا مغديش معاك يلاه نزلني وتلاح ....
----------------------------------------------------------------------
جوج
عيالات شارفين بغاو يتزوجو، مااقبل عليهوم تّاواحد ... دارو اعلان
فالجريدة، كاتبين فيه : تزوج بواحدة تحصل على الأخرى مجانا ...
الموقع
