جكاية المغاربة مع بنكيران
.
كان يا مكان ....شعب نتاخب على رئيس اسمه بن كيران.....ماصبروش عليه بزاف وناضو يغوتو شي مقلق شي زعفان..... فين هي الاصلاحات اسي بن كيران.... واش اعباد الله ف عام بغيتو يرجع ليكم المغرب يابان..... ويحيد البطالة وتاواحد مايبقا شاد الحيطان.... ويسد الحانات ويسد البيران..... بركو الارض وسكتو وخليو السيد مسكين راه مزال جديد وخدام.... سبحان من لا يسهى ولا ينام ....هو زاد فالمحروقات حيت مابغاش يتسلف من دول اخرى ويوقع ليه بحال اليونان.....أما البوطا اشاعة وبلان......ولكن كحل راس هو مافهم والو وداير راسو واعر وفالسياسة فهمان ....من زادو درهم فالبترول جاتو بزاف وبدا فالمعيور والسبان...... ومن زادو فالمعاش 1000 درهم جاتهم قليلة باش تعرف بنادم متناقض وجيعان .....كايعجبكم الوزير لي كايهضرهم بالفرنسية ويكون انيق وبالعياقة شبعااان......ولكن لي تواضع وشرح ليكم هضر معاكم بالدارجة كاتقولو عليه عروبي وولد الكريان....تحياتي لشعب متناقض تا حاجة ماعجباه وكايكره لي يدير معاه المزيان....شعب ماكيصلي حتى كايقرب الامتحان .....وماكيعرف ربي حتى كايدخل رمضان.....الله يرد بينا ويهدينا هذا ماكان...... قلت كلمة حق هذا ماكيعنيش ان بنكيران عطى ال عمر كريمة ولا تراااااان ........مسائكم سعيد من فنان ........الله يخليك لينا أبابا بنكيران ....
الموقع
