مصر القديمه هى مصر وحضارتها و ثقافتها اللى اتشكلت زمان فى منطقة وادى النيل فى شمال شرق افريقيا.

قدماء المصريين هما المصريين القدام ، عنصر ميديترينيانى ( بحر متوسطى ) دخلوا منطقة وادى النيل فى العصور القديمه و استقروا فيها ^[1] حوالين نهر النيل و اسسو حضارة عظيمة عمرها اكتر من خمس-ت-الاف سنة. الحضارة دي بدات تقريا سنة 3150(ق ع ح )^[2] بعد توحيد شمال و جنوب مصر في دولة واحدة مركزية استمرت شامخة لمدة تلات-ت-الاف سنة.

عدا تاريخ مصر القديمة ب تلات مراحل استقرار(المملكة القديمة و المملكة الوسطانية و المملكة الحديثة
) و فترات انهيار قصيره بين المراحل التلاتة دي.بعد انهيار المملكة
الحديثة دخلت مصر في حالة انهيار مستمرةاتميزت بالاحتلال الاجنبي لارض مصر.

انتهى حكم الفراعنة رسمى لمصر سنة 31(ق ع ح)بعد معركة اكتيوم البحرية اللي انهزمت فيها كليوباترا ملكة مصر و اخر الفراعنة و بعديها احتل الرومان مصر و حولوها لاول مرة في تاريخها لمجرد مقاطعة او اقليم تابع الامبراطورية الرومانية.

ازدهرت الحضارة المصرية القديمة بسبب سيطرة المصريين على الطبيعة اللي
حواليهم، يعني لما مثلا قدروا يطوروا نظام الري، كان عندهم فايض كبير جدا
في الحبوب و المحاصيل اللي امن لمصريين القدام درجة من الاستقرار الاجتماعي
و التطور و الابداع الثقافي. الغنا و الاستقرار الاجتماعي مكن الادارات
المصرية من الصرف على مشاريع كبيره زي استخراج المعدان من وادي النيل و
الصحراء اللي حواليه، اختراع الابجدية الهيروغليفيه ، تشييد المعابد و
القصور و المقابر و الاهرامات، ازدهار التجارة من الشعوب المجاورة، تكوين
جيش قوي و هزيمة اعداء مصر. كل دا كان دليل على مستوى التطور اللي وصل ليه
المصريين القدام وخصوصا طبقة الكتاب و القادة الدينيين و الاداريين اللي
كانوا بيشتغلوا في تناغم تحت الحكم القوي للفراعنة اللي كانوا بدورهم رمز
لوحدة المصريين القدام بشكل عام.

المصريين القدام اسسوا حضارة و تركو للبشرية كلها تراث عظيم لسة لحد دلوقتي محل تقدير كل العالم.

الدراسات الحديثه اللى عملوها علما المصرولوجيا فى جامعة اكسفورد
بإستخدام " كربون 14 " على عينات من الآثار المصريه القديمه بينت إن تاريخ
الدوله المصريه القديمه اقدم من اللى كان معروف، واتفقوا على إن تاريخ
الدوله المصريه بدأ من الفتره ما بين 2691 و 2626 قبل الميلاد، و إن الدوله
المصريه الحديثه بدإت ما بين 1570 و 1544 قبل الميلاد ^[3].

المحتويات [تخبية] 1 الإنجازات 2 التاريخ 3 الحكومة والاقتصاد 4 اللغه 4.1 التطور التاريخى للغه 5 الأدب 6 العماره المصريه القديمه 7 مصادر 8 لينكات خارجيه

الإنجازات


كتير من الإنجازات اللى حققها المصريين شملت نظام الرياضيات ، والمحاجر ، والمسح و طرق البنا اللى سهلت بنا الأهرامات والمعابد والمسلات الضخمة ، و الخزف و الازاز و التكنولوجيا ، وعملية فعالة لنظام الطب ، وأشكال جديدة من الأدب ، و نظم الرى و اساليپ الإنتاج الزراعي ، واقدم معاهدة سلام. ^[4]


كل الإنجازات دى سابت لمصر ميراث دايم من : الفن والعمارة و الاثار و
اتقلدت فى كل العالم ، و ألهمت خيال الكتاب والرحاله من قرون. الاحترام
الجديد للحضارة المصرية وصل لبداية الحفريات الحديثة و للدراسة العلمية
وتقدير أكبر لتراث المصريين الثقافي لمصر و العالم.

التاريخ


بحلول فترة أواخر العصر الحجرى مناخ شمال افريقيا
بقى بصورة متزايدة حر و جاف ، ده أجبر سكان المنطقة على التركيز على طول
وادى النيل ، و بعد ما كانو من البدو الصيادين اللى كانو عايشين فى المنطقة
خلال العصر الجليدى حوالى 1.8 مليون سنة بقى النيل شريان الحياة في مصر. ^[5]
فيضانات النيل الخصبة ادت البشر الفرصة لتطوير الاقتصاد الزراعى و استقرار
أكتر فى التطور و فى المركزية فى المجتمع اللى بقى حجر الزاوية فى تاريخ
الحضارة الإنسانية. ^[6]

فى سنة 2010 علماء المصرولوجيا فى جامعة اكسفورد
عملوا دراسات بإستخدام " كربون 14 " على 211 عينة من الآثار المصريه
القديمه و قدروا انهم يتوصلوا لإن تاريخ الدوله المصريه القديمه اقدم من
اللى كان معروف واتفقوا على إن تاريخ الدوله المصريه بدأ من الفتره ما بين
2691 و 2626 قبل الميلاد ، و إن الدوله المصريه الحديثه بدإت ما بين 1570 و
1544 قبل الميلاد ^[7].

الحكومة والاقتصاد


الفرعون
كان هو الملك المطلق للبلد ، من الناحية النظرية على الأقل ، مارس السيطرة
الكاملة على الأرض ومواردها. الملك كانهو القائد العسكرى الاعلى ورئيس
الحكومة اللى يعتمد على البيروقراطين من المسؤولين علشان إدارة شؤونه.

اللغه


الماده الرئيسيه : اللغه المصريه

التطور التاريخى للغه


اللغه المصريه لغه أفرو-آسيوية شمالية متصله جامد باللغات التشاديه و البربريه و الساميه ، و الصوماليه ، و البيچاويه .

الأدب


الماده الرئيسيه : الأدب المصرى القديم

المصريين القدام كان عندهم اداب متنوعه منها الدينى و منها الجنزى و
منها الدنيوى. لغتهم كانت مليانه بالتشبيه و الاستعاره و الجناس اللفظى. و
الأدب المصرى القديم من أقدم اداب العالم لكن ما وصلش للعصر الحديث الكتير
منه لإنه كان متدون على ورق البردى اللى الزمن قضى عليه و اللى وصل منه
ضاعت منه اجزاء. لكن اللى وصل بيبين إن الأدب المصرى القديم كان ادب مميز و
غنى بالمواضيع و الاساليب الفنيه وانه كان بيجمع بين القصه و القصيده و
الملحمه و موضوعاته كانت بتتراوح مابين اشعار الحب و التأمل الصوفى و
الأداب العامه و حكايات الابطال. فى الأدب الدينى المصرى كان فيه اناشيد
كتيره بتمجد الالهه و بتوصفها. من امثلة الادب الجنزى متون الأهرام ، و
نصوص التوابيت ، و كتاب الاموات. و من أمثلة الادب الدنيوى حكايات و حواديت
بديعه زى قصة خوفو و السحارين ، و البحار الغريق ،و الفلاح الفصيح ، و
سنوهى ، و نصايح الوزير بتاح حوتب ، و الملكين مرى كارع و امنمحتب الأول ، و
الحكيم امنمؤبى ، و " تحذيرات العراف ايبوود ، و " الملل من الحياه " . و
جنب ده كان فيه الأغانى الجميله المليانه عواطف و حب و التمثليات الشيقه زى
تمثيلية حياة اوزوريس ، و تمثيلية صراع حورس و ست.

العماره المصريه القديمه


العماره المصريه القديمه هى نظام البنا المصرى
فى العصور الفرعونيه ، بتتسم بالمعابد و المقابر الراسخه ، و الحيطان
السميكه اللى مافيهاش فتحات كتيره ، و اللى بتغطيها رسومات و نقوش و كتابات
هيروغليفيه ملونه. طراز البنا المصرى القديم فيه مهابه و عظمه و بيأثر فى نفس اللى بيشوفه. من أشهر العماير دى الاهرامات و معبد الكرنك و الدير البحرى.