زمان العز مشا وتقاليد البلاد ولات منسية !!
واش باقين عاقلين على ايام التصاور المدرسية !!
ايام كنا نلعبو بلاستيك والشرطة والطرومبية !!
ايام البراءة ماكين لا هضرت فيك لا هضرتي فيا !!
ايام كنا نخرجو بكسوة العيد فالصبحية !!
باش نجمعو الفلوس من عند المختار والسعدية !!
ايام كانو الدراري الصغار يفرحو بالأضحية !!
ايام الشتاتاتاتاتا والأمثال الشعبية !!
كان كلشي عايش على قد الحال وحاجتو مقضية !!
ايام تفيق مع الصباح وتفطر بالخبز وأتاي والزيت البلدية !!
ايام كانت اهم حاجة فرمضان هي الحريرة والشباكية !!
ايام المرأة دايرة اللثام والراجل لابس الجلابية !!
واش عاقل من كتني تجري فالزنقة تابع الهدية !!
فين ايام النمر المقنع وكونان وسلاحف النينجا فين هي
!!
تخرج من القراية تجري باش تفرج فالروسوم ديال العشية !!
ايام كنا نتجمعو حول المائدة ونديرو جلسة عائلية !!
أيام الطون والحرور وجباح والشامية !!
ايام الرفيسة والسفة والكسكس فالقصرية !!
مشا زمان الحشمة والوقار مشا زمان النية !!
تبعنا تقاليد الغرب ونسينا التقاليد المغربية !!
ولا دابا شي حاضي شي انا ندق عليك ونتا دق عليا !!
كلشي خرج الطريق مابقينا عارفين الدري من الدرية !!
هذا تبع الراپ وهاديك ولا "إيمو" والآخر تبع الماسونية !!
تبلينا بالفايسبوك وتبعنا المواقع الإلكترونية !!
ولينا عبارة عن مخلوقات فايسبوكية !!
هاداك مخشي فالپالتالك وهاديك فالسكايب مخشية !!
ولا دري يخرج مع الصباح مايولي حتال العشية !!
من نتفكر دوك الأيام يطيحو دمعات من عينية !!
العين بصير واليد قصيرة والكبدة مكوية !!
ولينا غاديين وكانبعدو على الدين غي شوية بشوية !!
مشا الأدب ومشا الإحترام ومشا مشات التربية !!
من ولات البنت تابعة غي شاكير والافلام التركية !!
ومن تدخل للكوزينة ماتعرفش حتى اسماء العطرية !!
من ولا الولد يسهر حتى للفجر فالملاهي اليلية !!
وينعس حتال الظهر واخا تجيب ليه الدقة المراكشية !!
تبدل الزمان وتبدلت معاه حتى العقلية !!
وفزمان الحضارة مشينا ضحية !!
راني عارف راسي طولت عليكم غي سمحو ليا !!
الموقع
ih azman
