ﯕـالـــوا زمـــــــان

ﯖالــوا زمــان:
الخير عقبة والشر حدورة

ما تعرف العدو من الصديق غير فالشدة والضيق

قالوا زمان

أولاد اليوم غير الهدرة و القمقوم والطولة فاتت السلوم

قالوا زمان:

السلف هم و لو يكون درهم ، والزواج هم و لو يكون من بنت العم

sana m كتب:: قالوا زمان:

السلف هم و لو يكون درهم ، والزواج هم و لو يكون من بنت العم

أشكرك جزيل الشكر على مشاركتك القيمة ضمن أمثال كالوا زمان
لكن الزواج ببنت العم عمرو ماكان هم
وكيف كالوا زمان
اللي تزوج بنت عمو ... بحال اللي عيد من غنمو
تحيتي لك

قالوا زمان : مراة المنحوس ما هي مطلق ما هي عروس

قالوا زمان :الى شفتي موكة خطابة عرف بلارج عريس

قالوا زمان :

المدبوحة تتضحك عل المسلوخة واللي مقطعة طراف قالت لهم ديوني نشوف

الفرنك البيض ينفع في النهار الكحل
اللي مشيت على قبلو ماجبتو، واللي خليتو مالقيتو

كالوا زمان
.. .. ..
كال لو شمتك ... كال لو عرفتك

كالوا زمان
.. .. ..
رمى حايكو عليا ... ما غطى رجليـا

مالي ناشي بالصك أوكلها معروف بللي فيه

ضاحك اللي فيه الضحكة أو ضاحك اللي مضحوكة فيه

تيه ترتليه مشا إحش لفصة أولقى العشا فاتو

نصيلة لقيناها طايحة فالغبار غسلناها أو عادت عبار

ألي فت حتى عرفت كساه ماهمني عراه

ألي ماقفلو مايفور ليه

روح المنتدى كتب:: مالي ناشي بالصك أوكلها معروف بللي فيه

الأخت روح المنتدى ، أشكرك جزيل الشكر على مشاركتك القيمة ضمن أمثال كالوا زمان
والتي تساهم في اغناء هذا الركن بمنتدانا الجميل
فقط لي ملاحظة ، تكمن في عدم ادراكي لمعنى الكلمتين الملونتين بالأحمر الواردتين بالمثل أعلاه
مالي ناشي بالصك أوكلها معروف بللي فيه
مودتـــــــــــي

روح المنتدى كتب:: تيه ترتليه مشا إحش لفصة أولقى العشا فاتو

نعم أختي الفاضلة ، ان تراثنا الشعبي الأصيل غني بالأمثال الشعبية
والقوافي وكذلك الحجايات
وكي لا تختلط لنا الأمور فيما نريد تدوينه من أمثال شعبية بما تتلفظ به الألسن من حجايات
لا بد من وضع كل ما قيل عن ناس زمان في اطاره الصحيح ، حسب ما سمعناه عن ما تفضلت به في مشاركتك أعلاه
حيث يقال في شأنه
حاجيتك على تيه ترتليه ، تيشطح بيديه وبرجليه
ويقال أيضا
حاجيتك على هاتو بن هاتو مشى ينشر طريفاتو لقى لعشا فاتو
شكرا لك ... تحيتي الفنية

كالوا زمان :

راح ذاك الزمان وناسه وجاء هذا الزمان بفاسه

كالوا زمان :
نوصيك يا واكل الراس في البير ارم عظامه

كالوا زمان :

راكبه على ظهر السبع وتقول الحدايات سيأكلوني

كالوا زمان :الدوام يتقب الرخام

أنا أيضا لم أفهم (مالي ناشي بالصك أوكلها معروف بللي فيه)..................
لأنني نسيت سؤال خالتي عنه................
لكن إنشاء الله سأتوصل بالإجابة من عندها....................
وشكراً على الإهتمام............

الأمثال الشعبية المغربية : ما قل ودل

بت نبت
شن الطن
بيه فيه
تيتي نيني
حسي مسي
ازدب تعطل
زوق تبيع
امر نعمل
صفي تشرب
كل وقيس
شوف تشوف
شم ولم
اجزم تسلم
برق ما تقشع
جاد على منراد
حلوف كرموص
بات ماصبح
خيرو تحيرو
ادهن السيد يسير
حدو قدو
اللي ليها ليها
اللي حصل يودي
اللي حمدو كيزيدو
اللي خاف نجا
اللي غلب يعف
اللي هرس يخلص
عاند لاتحسد
كبرها تصغار
عش نهار تسمع خبر
زيد الما زيدالدقيق
جوع كلبك يتبعك
الاول علاش تعول
الثالثة ثابثة
التالي سعدو عالي
حديث ومغزل
حج وجاجة
كاري حنكو
شاري خصوم
يكوي ويبخ
الوافي مايحافي
قاسح ولا كداب
مسخوط ولاوكال
الوافي مايحافي
النهار بعينيه
الليل حدورة
الجمال ياالصبارة
زايد ناقص
خضرة فوق طعام
جوجوني ولا نسلم(لليهودي)
اللوسة سوسة
قد الراس قد الشاشية

أخي المبدع محمد النميلي
تصور جميل واجتهاد موفق
اختزل احساسي الفني ونال منه الاهتمام والاعجاب
ويبقى اجمل ما في الكلام ... هو ما قل ودل
تحيــة فنيـــة

روح المنتدى كتب:: أنا أيضا لم أفهم (مالي ناشي بالصك أوكلها معروف بللي فيه)..................
لأنني نسيت سؤال خالتي عنه................
لكن إنشاء الله سأتوصل بالإجابة من عندها....................
وشكراً على الإهتمام............

أشكرك أختي المبدعة روح المنتدى على امتثالك وتواصلك الجميلين
تحيتـــــــــــــــي لك

كالــوا زمــان
ـ ـ ـ
قضــي بالقليـل حتـى يجيـب الله لكثيــر

الحر بالغمزة و العبد بالدبزة

العمش فدار لعمى بعينيه

الراجل بدراعو ماشي بمتاعو

كالو ناس زمان :
- كاين اللي عندو جوابو في فمو ,وكاين اللي داسو في كمو ,وكاين اللي حتى يشاور مو.

- أولاد اليوم غير الهدرة و القمقوم والطولة فاتت السلوم

- السلف هم و لو يكون درهم ، والزواج هم و لو يكون من بنت العم

- اللي شاب و ماتاب شيبو خسارة،كيف العود اليابس بلا نوارة.

- اللي يحبك بالطمع يجي يوم منك يشبع.

- لو كنت عرفت الكلب يعضني كن رخيت لو شرويطة

- يا الشايب يا المشبب يا القابض الطريق البعيدة،الناس درسات وحرثات وانت عاد غادي للحصيدة

- قالت العودة:منين ولدت أولادي ،ما أشربت مايا صافي ولا علف وافي.

كالو ناس زمان :

- قاللو :باش كتاكل الشوك أعمي الجمل ؟ قالهم : باللسان الرطب.

- قاللو راني مغطي غير بالرملة .قاللو حمد الله على رميلتك لايجي الريح ويديها لك.

- اللهم الخبز البايت ولا سفنج الشمايت

- جيتي الله يخليك،مشيتي الله يهنيك،حتى انا قلبي مامولفشي بيك

المبدعة فارسة الأحلام
شكرا لك على مشاركاتك القيمة ضمن أمثال كالوا زمان
تحيتــــــــي لك

كالوا زمان
وَقْتْ احْتَاجيتْكْ يا وجْهْي خْرْبْشْوكْ لقْطُوطْ

كالوا زمان

مَا هُوَ العِيبْ على من حرث في السطح، العيب على من خَمَّسْ عليه

يد في الطبق و عين على من
زهق

[/b]

يا الطامع في الزيادة رد بالك من
النقصان

كالوا زمان
.. .. ..
اللي سمع خيـر من اللي هـدر

ڱـــالـو نــاس زمــان

إلى حلفوا فيك الرجال ، بات ناعس ، و إلى حلفوا فيك
النسا بات عساس.
إلى حضر الما، كيترفع التيمم
إلى حضر الطعام ، كيترفع الكلام
إلى شبعات الكرش ، كتڭول للراس غني
إلى شفتي مول الدار كيضرب البندير ،لا تلوم الدراري على الشطيح
إلى طاحت البڭرة، كيكثرو الجناوى

كالوا زمان:
اللي يتزوج المرأة الصغير كيحوز الخير و الدخيرة"
يقال للتعبير عن الزواج ومبتغى كل رغب في الزواج

كالوا زمان:
بفْلُوسَك بنت السلطان عروسك"
يذكر المثل بشرط المال للزواج

كالوا زمان:
إلا بغيتي تخطب بنتها دخل تشوف بيتها"
يضع المثل شرط الأشغال المنزلية للزواج

كالوا زمان:
الخفيفة ما تكون منها لا عروسة لا نفيسة"
يقال في المرأة الغير الرزينة التي لا تصلح لتكون زوجة

كالوا زمان:
خداها بالدين وقال العروسة منحوسة"
يعبر عن لوم الزوجة

كالــوا زمــان
.. .. ..
اللــي ﯖالّـَـــك ... لا تـﯖـولّــُـو

باتت محبوبه . وصبحات مزغوبة

طريق العقل تخرج . وطريق القلب تعوج

كالـوا زمـان
.. .. ..
طريـق السلامـة ولو دارت

كالـوا زمـان
.. .. ..
اللي تحبو قابلو ... واللي تكرهو جانبو

السلف هم و لو يكون درهم

كالـوا زمـان
ما يحس بالمزود غير اللي واكل بيه.

» : ﯕـالـــوا زمـــــــان

امتحانات جهوية موحدة (جميع المواد)

ﯕـالـــوا زمـــــــان

ﯕـالـــوا زمـــــــان

مواضيع مماثلة

مواضيع مماثلة