ﯕـالـــوا زمـــــــان

كل مهذار مسوس يجيب الهلاك لراسه
يستاهل ضربه بموس حتى يبانوا أضراسه

والمعنى:
أن الإنسان كثير اللغط والكلام يمل ويعرّض نفسه
للإهانة والتأديب.

لا تسرج حتى تلجم واعقد عقدة صحيحة
لا تتكلم حتى تخمم لا تعود لك بفضيحة

والمعنى:
لا تتكلم في مسألة قبل أن تتأمل فيها جيدا، وإلا عادت
عليك بالفضيحة والعار.

الصاحب لا تلاعبه والناعر لا تفوت عليه
اللي حبك حبه أكثر واللي باعك لا تشتريه

والمعنى:
لا تصاحب الصديق سريع الغضب، فربما أساء
إليك من دون سبب، وكذلك من لا يبالي بك فليس عليك
أن تسعى في جلب مصادقته إذ لا رغبة له في مصاحبتك.

يا ويح من وقع في بير وصعب عنه طلوعه
رفرف ما وجد جناحين يبكي اسألوا دموعه

والمعنى:
أن الإنسان الذي ليس لديه القوة وليس عنده من
يعينه يصعب عليه نيل مرغوبه.

حبيبك حبه والسر اللي بينكم تخفيه
إذا حبك حبه أكتر وإذا تركك لا تسأل عليه

والمعنى:
يجب في الصحبة المودة والإخلاص وكتمان الأسرار،
وإذا هجرك صديقك بلا سبب معقول فاتركه لعله يرجع
يوما ما إلى الصواب.

اصعبت علي يا المسكين واصعب علي حالك
الزين ماتخده والدين ما يعطي لك

والمعنى:
أن الإنسان الذي لم تساعده الأيام فباب الله واسع،
فما على المرء إلا أن يسعى فيما يصلح حاله بالصبر
والثبات وترك الكسل.

صحت صيحة حنينه فيقت من كان نايم
اصحوا قلوب المحبة ورقدوا قلوب البهايم

والمعنى:
ناديت فأجابني الغافلون عن مصالحهم الدينية والدنيوية
الذين فيهم الخير والرجوع إلى الصواب، وأما المفلسون
كالحيوان فلم يستمعوا لي.

العبد اللي كان مدوب ما تعيبه كحوله
والحر اللي كان مجعوب ما يسوى نص فوله

والمعنى:
المرء في المجتمع بسيرته وصناعته وطباعه لا بلون بشرته،
والحر الذي يظن نفسه أعلى من الأسود فهو منحط لا
يساوي شيئا.

خفيف الأقدام يمل ولو كان وجهه مرايا
قليل الأكتاف ينزل لو كان جهده عتاية

والمعنى:
هو من يكثر التردد على الناس ويقلقهم يُملّ، ولو كان في
أحسن صورة، ومن لا أنصار له ولا يوجد من يعينه ويحميه
فقد يهان ويذل ولو كان محمود السيرة.

نوصيك يا واكل الخوخ من عشرة رد بالك
في النهار تظل منفوخ وبالليل تبات هالك

والمعنى:
الأشياء النفيسة الثمينة التي يبالغ فيها تكون مضرة.

شكرا لك أخي المبدع المتألق
ghizo 2012
على مشاركتك الوازنة ... تحيتــي الخالصة

ايلا عطاك العاطي ... لا تحفر لا تواطي

يلا كان خوك عسل ما تلعقوش كلو

كالوا زمان
.. .. ..
قطران بلادي ولى عسل البلدان

حرنا في اللي حبونا أما اللي كرهونا داروا فينا خير،

امدح صاحبك مع الناس ولومه الراس فالراس،

كل نهار ونهار وذلك قولك كل ساعة وأمرها

كل محنة تزيد عقل
كون ديب ما يكاوك الدياب

باش قتلتي باش تموت
اللي دار شي يدار ليه

بنعيسى الحاجي كتب:: شكرا لك المبدعة خديجة ابنة سطيف على تواصلك الفني الجميل مساهمة منك في اغناء ركن كالوا زمان
أريد فقد أن أسألك عن الكلمة الملونة بالأحمر"" مختلف ضروب الكلام ""وردت في مطلع تعريفك بالأمثال الشعبية
تحيتي لك

ضروب الكلام هو كل الكلام الذي له معنى من حيث الأسلوب والقيمة كالشعر والأمثال الشعبية ....
أتمنى أن أكون موفقة في ذلك.شكرا لأخي بنعيسى على هذا الاهتمام بكل ما يكتب في قسم الأمثال الشعبية

اللي راحت عليه امو واش يلمو
منين غاب لي المال من الجيب ما بقالي حتى حبيب

يجورة ف الحيط ... خير من جوهرة ف الخيط

خسران المال و لا خسران الرجال...
*
للا مليحة و زادتها ترويحة
... *
باع دارو و كرا عند جارو .
*
سولوا البغل شكو ن باك قال ليهم العود خالي
*
ندير خبزي تحت باطي ماسمع حد عياطي
*
غـطـى عيبه بالسطـل وجا يطل
*
اللي عنده امه في البيت يدهن فمه بالـزيت
*
الدجاجة غسلات رجليها و نسات ماداز عليها
*
رْحَمْ الله مَنْ زَار وَخَفّفْ
*
ديرها فالرجال و ترجاها وديرها فالنسا ولاتنساها
*
لي كال لعصيدة باردة ....إدير إيدو فيها...
*
كل غيبة كتزيد هيبة
*
لاَ تْحَـطّْ يَاجُـورَة فُوقْ يَاجُـورَة حَتَّى تَـرْتَاحْ لَلـجُّورَة
*
*
اللّي ولف الحفَى ينسى صبّاطو
*
تعلى العين حتى تعيا والحاجب فوقها
*
اللهم مخزن ضالم , أولى قبيلة سايبة" .
*
فلس فالكف و لا عشرة فالسلف
*
شي دار الدراري و دارهم ركيزة ...
و شي دار الدراري وشتتو لو الخبيزة..
*
الدنيا غدارة ، والأيام دوارة ، مول الحمار دار طيارة ، ومول الخيمة دار عمارة
*
صبري على روحي ولا صبر الناس عليّا ...نداوي جروحي بروحي ولا من يعلم بيّا
*
إلى تقادو لكتاف يعود لكبير يخاف
*
نهار نحتاجك اوجهي ، يقمشوك لمشاش
*
ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
*
سولوه اش خاصك الشارف الهارف .قالهم بغيت الصغيرة مولات السوالف

وجه الشارفة ما يخفى, ولو تحكو بالحلفة
· اللي مدت يدها للحنة, تمدها كلها.
· الزين في بناتنا سلالة, من العمة للخالة.
· امدح صاحبك مع الناس, و لومو الراس فالراس.
· لو كان الصفيحة ترد العار, لو كانت رداتو على الحمار.
· كون أزماني حرش, و ها وجهي بوس و طرش.
· تفكر حبيبك و هواه, تفكر فعايلو و نساه.
· العشق المزروب, كله عيوب.
· ما كينسي البنت في امها غير همها.
· حل عينيك قبل الزواج, أما بعدو غير غمضهوم.
· الهم المنحوس, خليتو فدار با لقيتو فدار العروس.
· اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
· دِيرْ عِينْ شَافَتْ وَعِينْ مَا شِافْتْ.
· اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ.
· أش خاصك العريان خاتم آمولاي السلطان.
· الشطابا أعروسا والجفاف أنفيسة.
· ما نعطيوش خيرنا لغيرنا.
· زواج ليلة تدبيره عام.
· تا تطلب الزيت من السفناج.
· الفقيه اللي نتسناو براكته ادخل للجامع ببلغته.
· اربط احمارك مع الحمير، يتعلم الشهيق والنهيق وخرجان الطريق.
· إيلا ارخص الشعير اغلات الحمير.
· الحمار مخبي ووذنيه برّا.
· اجيو تعلمو الحسانه في روس اليتامه.
· طاجين الشمايت، النصبا وقلة ليدام.
· احمر يا المشكورة، دبحو الجرو وصلاو على الهيدورة.
· اللي ضرقك بخيط ضرقو بحيط.
· اللي اطيبو المعفونة ياكلو رجلها.
. لحوانت مصافه و الارزاق مختلفة .
. الرجل بالهمة أما اللحية راها حتى عند العتروس.

zine bladi dima widadi كتب:: كل محنة تزيد عقل
كون ديب ما يكاوك الدياب

شكرا لك أختي المبدعة المتألقة على حضورك الوازن بفضاء كالوا زمان
ويقـال أيضا
كل محنة كتزيد ف الراس عقل
كون ديــب لا ياكلوك الدياب

اتمنى ان تعجبكم هده الأمثال

-درينا القمح وطار غبارو والقلب المهموم الوجه يعطيك اخبارو
- الي جاب الطبق يدي التمر والي جا بالمعروف يدي الفضل
-اللي بغا يدفع البلا يتوضأ للصلا
-ما تقطع الواد حتى تبان حجارو وما تمشي ف الليل حتى يطلع نهارو وما تصحب صديق حتى تعرف خبارو
-السن يضحك للسن والقلب فيه لخديعة
-احضي راسك من اللي قريب ليك اما عدوك فراه باين ليك
-بويا مانا بوك خويا مانا خوك كلها في همو محبوك
-الى طردك البخيل عند الكريم تبات
-الدجاجة غسلات رجليها نسات ماداز عليها
-انا في همو كندادي وهو فتقلاع وتادي
-لفياق بكري بالذهب مشري
- لو كان الخوخ يداوي كان داوى غير راسوا
- القرع بفلوسوا آرا ديك الراس نبوسوا
- كور واعطي نلعور
- البس قدك يواتيك

نبذة من الأمثال الشعبية

1 / شافونا كندخنو سحابلهم فالتريد كنسخنو .

2/ لو كنت عرفت الكلب يعضني كن رخيت لو شرويطة.

3/ ما دارو الرحى حتى عياو من تغزازو .

4/ ما كيعطي الدرا (منديل الرأس) غير ألي قطعاتلو امو ليزار.

5/ اللي مولف بالسعاية ما كيبغيش خبز الدار.

6/شد كلبك قبل ما يذوق خبز الناس.

7/سبعة ديال النسا والقربة يابسة .

8/اللي ما صابهاش فشلو النعاس حسنلو.

9/الغيوان فيا والشغل نكري عليه.

10/اللي غرسوها يديك يفرح لها قلبك .

11/سير عند المطلقة تسحر ليك.

12/ اللي معلق الحجاب بلا أجرة،بحال الليمعلق حجرة.

13/ الغابة كيحرقها عود منها.

14/ عزيز النفس يعطي ألحق ما يطلبو.

15/ درجة درجة حتى يحن مول الرجا.

16/ أقل ما فالزواج يعري .

17/ أحسن عون اللي قتل ،أما اللي تقتل دار علاش.

18/ ما قداوش اللي باتو عساك اللي جاو فالصباح.

19/ قلة النية فيا ولا فيك دابا يطول الزمان ويبان الخداع.

20/قد الكسوة قد اللي تسوى.

غربلاتني مي ف غربال لحرير مشيت عند ناس لقاوا فيا نخالة الشعير

كالوا زمان
عـانــــد لا تحســـد

اللِي حْفَرْ شِي حُفْرَه كَيْطِيحْ فِيهَا

وهو مثل سائر على وجه الدهر : من حفر لأخيه حفرة وقع فيها.

سير بالنية وارقد مع الحية

كـالــوا زمـــان
.. .. ..
عـيــب لبحيـرة تفتاشهـا

* النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك

* التاجر الا طلب لولاد كيجيه غير الريال و المسكين الا طلب الريال كيجيوه لعيال

* المزغوب حتى ليلة عرسو قصيرة

* الرزق قليل و طاحت فيه دبانة

* منديل صفية جيت نمسح فيه مسح فيا

* اللي تطوف ما تغزل الصوف

* انت مير و انا مير شكون يصوك هاد لحمير

* للا مليحة و زادتها ترويحة

* لا مزيانة للمنضر لا خفيفة كتسخر

* انا نشكيلو بالعكر و هو كيقول لي اش خبار الدراري

* حلفات العروسة ما تحب الحماة حتى تبياض الفحمة

* اللي شفتيها بسعدها عرفها كتكمل من عندها

* الدليل فالرجال هو اللي كيعطي الضحك لجار و الهم لدار

*الله يلعن كاس البلار اللي نشرب فيه المرار

* مول الطاحونة و السانية و المرا التانية حتى ليلة ما يباتها هانية

* خايبة و تنوس و لا غزالة و تهوس
* اعمى بن اعمى لي كيشوف الغيام فالسما و كيدير حيكو فالما

* قوت التقرقيب وقلة النقيب
* اللي عندو الزعفران بزاف كيديرو حتى فالبابوش
* عيني فيه و ما قديت عليه

* شي فالحلقوم شي تيقولو قوم
* مشات تيجب القزبر جات حاملة ب سبع الشهر

* المذبوحة كتضحك على المسلوخة .جات مقطوعة الراس قالت الله ينجينا من هاذ الناس

* العقبة ف وجه لحباب حدورة

* كل ما لعبت المعزة فقرون الجبال كتخلصو فدار الدباغ

* الحجلة الخفيفة من سعد الصياد

* فولة ما دير بيصار و فارس ما ينوض غبار

* سيدي حادق و لالا احدق منو ، سيدي احسابو القديد و لالا كتقطع منو

* غرزة زايدة فيا و هم لعرى فايت في

* اللي حب الخدم، لا بد يندم، لا سيفة زينة لا قلب مسلم

* العِيبْ ماشي على من حرث في السطح العيب لي فالموت وكاي يشطح

* انا تنكول لحبيبي وحبيبي تايقول لحبيبو وكلامي فين مامشيت نصيبو

* مَشْتَاقْ السَرْوالْ كُلُ سَاعَة يْحَلُو

* الحنة حرشة و الحناية عمشة و العروسة فيها بو تفتاف

* السوق حامي والدّْلاَّلْ رامي والشاري عْوْرْ

* كال لو آش المعمول يا قاضي فعيشه، كال لو طلقها وانا ناخدها

* كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة

* يجي لك يوم ياناكر خيري يوريك زماني من زمان غيري

* الزين بحروفو جيبوه ليا نشوفوا

* ولد ضبع غير ضبع الى سخرتو يشري لخميرة يشري شمع

* شي فالضحك غرقان اشي فالهم حيران

* اليد اللي طعمتنا الحلال تيكونو ناسها قلال

* هاك ابوه رجليه جابوه

* ما بين اللقمة و الفم تيريد ويحكم

* الي ما قدرات تكون نجمة فالسما,تكون شمعة فالدار

* اللي اربحتيه تاكله و الدين باش تخلصو ؟

* رضينا بالهم والهم ما رضا بينا درناه عند راسنا صبح عند رجلينا

* حساب الشكارة الربح أو الخسارة

* عمر الشطاح ما كاينسى هزة الكتف.

* البخيل اللهم فرجلو ولا في النعالة

* إلى بغاوك بلا ما تشقى ويلا كرهوك ما تكتر نفقة

* الزين ف الدفلة وعروقها حارين

* الهم هم لحمار .أما القط كيتسارا سبع ديار

* اللبن والزبدة كانو خواتات ما فرقوهم غير لعيالات

* نديرو فالحفرة وما نسمع حسو فدار اخرى

* الباب المحلولة كتدخل الغول و الغولة

* دباز لحباب من العتبة للباب

* الي وصل بلاد غير بلادو خل الهم لولادو

* اللي بغا يدفع البلا يتوضأ للصلا.

* ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو

* انا في همو كندادي وهو فتقلاع وتادي

* كون تصحابها تكتاب, من دق الباب

* اللي ما تيخيط كساتو, يطيب غذاتو, يحلب شاتوموتو خير من حياتو

* وجه الشارفة ما يخفى, ولو تحكو بالحلفة

* اللهم النعاس في البرد ولا ضيافة القرد

* ما تعرف العدو من الصديق غير فالشدة والضيق

* كلها وحالو وأحوال الناس شلا .واحد بغا المعقول وواحد بغا يتفلا

* خيط وفتق .إيوا لعشية شوف آش تنفق

* إيوا هاذي خياطة حمقة.فين المقص فين الحلقة؟

* قولوا الله يهديهم دارو الخير مع الناس ونساو واليدهم

* اللي فالبيضة عر من اللي فقص .واللي فالكرش مضا من المقص

* الخير عقبة والشر حدورة

* الحنة ما زاة فظفارها والخطاب جابو خبارها

* مولات الرجالة كتطمع فالهجالة

* كون ما كانو حوايج العطار ما فالنسا ما تختار.

* كوليني يا موكة حتى الطيور عافوني

* زلقت بيه رجليه طيح الباطل على البلغة

* الرزق لحلال صافي بحال لهلال

* حانوت غالي ولا حانوت خالي

* اللي ما عندو مال ديما وجهو مذبال

* اللي بغا يكبر شانو …………….يحرث مع قرانو

* العين صعيبة تتقتل الكسيبة وتخوي الزريبة

* دابا كلينا وشربنا ……ونسينا الحرابل باش سعينا

* دخانهم عمانا………..وطعامهم ما جانا

* حبوبة ف وجهي حكيتها سال دمها ………خليتها زاد همها

* المرا إلى شافت الشيب بحال النعجة إلى شافت الذيب

الدْرَارِي مَا كْلَتْهُمْ تْجَارَه ، وكْسْوَتْهُمْ خْسَارَه . الدراري : العيال ، الأطفال والمعنى واضح أن العيال ماكلتهم تجارة وكسوتهم خسارة . الإلتزام بتعهدهم وتربيتهم وقيام شأنهم على الوجه الأصلح تجارة مع الله يثيبك عليها اجزل الثواب ، اما عن كسوتهم وألبستهم كلها خسارة إذ أسرع ما تضيق عن أبدانهم وتقصر عن قامتهم لنموهم السريع أو تبلى أو تفسد من كثرة تعفراتهم وشغبهم . البقية: امثال مغربية حكم مغربية - منتديات مدرسة المشاغبين

إيلا بْغيتِي فْ ولدْكْ تتْهلاّ

قول إيه أو كثّرْ من لاّ

صُوتُو عليكْ مايْتْعلّى

ما يْمْدْ لا يْدُّ ولا سلاّ

يْزرع لحياتُو وِياكلْ الغْلاّ

إيه ديما كاتْرشِّي وْالِّدير لْعْلاّ

وِيعيشْ حياتُو كيتفـلاّ حروف وصوت

المبدعة المتالقة
ghizlan bah
أشكرك جزيل الشكر على اهتمامك الفني الجميل بفضاء كالوا زمان
كما اشكرك على مستوى مشاركاتك القيمة بأمثال شعبية أصيلة زادته أكثر تميزا

تحيتي الخالصة

اللي سمع لخبار بودنيه ... مشي بحال اللي عاودوها ليه

عَيّطْتْ عِيْطَة حْنينــة فيّقتْ من كان نايـم
ناضُوا قلوبْ المحَنّــة ورقْدو قلوبْ البهايم

طَاقُوا عْلَى الدّين تَرْكُــــوه وَتْعاوْنُوا على شْريبْ القْهَاوي
الثّوبْ مَنْ فُوق نَقُّــــــــوهْ والجْبَحْ مَنْ تَحْتْ خَــــــــاوِي

الجبح هو: ما يسمى في اللغة العربية الفصحى خلية النحل، والمعنى ظاهر يعني أنهم اعتنوا بالظاهر فتزينوا باللباس الفاخر وتركوا الباطن لا نية صالحة فيه، ولهذا لم يهتموا بتهذيب نفوسهم وتربيتها.

يا الي تعيط قدام الباب = عيط و كن فاهم
ما يفسد بين الاحباب = غير النساء و الدراهم

لا يعجبك نوار دفلى = في الواد داير ظلايل
لا يعجبك زين طفلة = حتى تشوف الفعايل

حيط الرمل لا تعليه = يعلى يرجع لساسه
ابن الغير لا تربيه = يكبر و يرجع لناسه

الخيل هبة من الريح = و البل هي الشريفة
البغال قرصة من الهند = و الحمار هو العيفة

ألي يركب يركب أشهب = طرز الذهب في لجامه
ألي يدور يقول كلمة الحق = يدير هراوة في حزامه

أنا الي رقيت في رقوب = و قعدت مثل الرصاص نذوب
من لا يقرأ للزمان عقوبة = يجي على راسه مكبوب

الدنيا مثلتها دلاعة = تتكركب مع جميع الدلاع
الحاذق يعطي معها ساعة = و الجايح غدا معها قاع

جحش البغل لا تغنجيه = و بالزيت تدهني جلوده
الصك و العض فيه = هذيك عادة جدوده

لا تخمم في ضيق الحال شف عند الله ماوسعها
الشدة تهزم الأرذال أما الرجال لاتقطعها

الكاتبة تنادي ومعها الخير ** ولو كان من بعيد تجيها
والخاطي عليك من يديك يطير ** رزقك من قبل ما هو فيها

الزيت يخرج من الزيتونة و الفاهم يفهم لغات الطير
الي ما تخرج كلمته ميزونة يجحرها في ضميره خير

لفيـــاق بكــري بالذهـب مشــري

كالـوا زمــان
اللــي حـــــــــن ... كيتمحـــــــــــن

اش جاب الشوك لحب لملوك

أعطي الحمار القيمة يردك نتا البهيمة

تفكر حبيبك و هواه, تفكر فعايلو و نساه

تلحفت بإزار وجبت لبلى الدار

ولد الحمار لا تربيه لو كان تدهن زنوده

hafsa-55 كتب:: تلحفت بإزار وجبت لبلى الدار

شكرا لك المبدعة المتألقة على مشاركتك القيمة ، وبخصوص الكلمة المولونة بالأحمر
الواردة في المثل الشعبي أعلاه هل تقصدين بها وجابت لبلى للدار

» : ﯕـالـــوا زمـــــــان

امتحانات جهوية موحدة (جميع المواد)

ﯕـالـــوا زمـــــــان

ﯕـالـــوا زمـــــــان

مواضيع مماثلة

مواضيع مماثلة